རྩོམ་རིགས།

རང་བཞིན་བརྗོད་པའི་དཔེར་བརྗོད།

    སྒལ་ཚིགས་འགུག་དང་རྭ་བ་གཉིས།།

    རྐངམ་བཞི་འགྱོ་དང་མཇུག་མ་རིངམོ།།

    འདབ་འདྲ་རྣམ་དང་མིག་ཏོག་ཆུང་།།

    ཁྱིམ་གྱི་སྒོ་ཁར་སྡོད་མི་ནོར།།

བྱ་བ་རང་བཞིན་བརྗོད་པའི་དཔེར་བརྗོད།

    སྨན་ལྗོངས་ཞིང་འདིར་གཟིགས་པའི་མགོན།།

    འགྲོ་བའི་མུན་པ་གསལ་བའི་བདག།།

    སངས་རྒྱས་བསྟན་པ་དང་ཁྱབ་མཛད།།

    འབྲུག་མི་ཡོངས་ཀྱི་ཆོས་ཀྱི་རྒྱལ།།

བཟློག་པའི་དཔེ།

    མཛེས་མ་ཁྱོད་ཀྱི་གདོང་བཞིན་ནི།།

    དཀར་པོ་དཀར་བས་དུང་དཀར་འདྲ།།

    སྟག་ཤར་ཡིད་ཁར་འཕྲོག་བཅུག་དང་།།

    ས་སྟེང་འདི་ན་ཡོངས་གྲགས་སོ།།

ངེས་པའི་དཔེ།

    སྤ་རོ་ཤེས་རིག་མཐོ་རིམ་སློབ་གྲྭའི་བུམོ།།

    དགའ་འཛུམ་ལེགས་པའི་མིག་གི་ཡིད་འོང་མ།།

    འདི་ནང་ཞུགས་མི་སྟག་ཤར་གཞོན་མ་གྱི།།

    ཆགས་སའི་བུ་མོ་ཁྱོད་ལས་གཞན་འདི་མེད།།

ངེས་མེད་ཀྱི་དཔེ།

རང་ལུ་བྱམས་རྩེ་ཨ་རྟག་བྱིན་ཚུགས་མི།།

ཕམ་འདི་གནམ་ལས་ཤར་བའི་ཟླཝ་དང་འདྲ།།

གཞན་ཡང་རང་ལུ་བྱམས་རྩེ་བྱིན་ཚུགས་མི།།

དཔེ་གཞན་ཡོད་རུང་དེ་དང་འདྲ་ནི་མས།།

རབ་བཏགས་ཀྱི་དཔེ།

    དཀར་མདངས་ཆེ་བའི་ཁྱོད་གདོང་དཀྱིལ་འཁོར་ནི།།

    ཡོད་ཅེས་རྒྱུ་དཀར་རྒྱལ་པོ་སྙེམས་མི་དགོས།།

    ཆོས་དུང་གཡས་འཁྱིལ་ལ་ཡང་དེ་ལྟ་བུ།།

    མཛེས་པའི་ཁྱད་ཆོས་ལྡན་པ་མ་མཐོང་ངམ།།

སྨད་པའི་དཔེ།

    གནམ་བྱཱར་ལུ་ཤར་བའི་མེ་ཏོག་ཚུ།།

    ཀུན་གྱི་རྒྱན་རུང་སལཝ་གི་བཅོམ་པའི་གཞི།།

    འདི་དང་མཚུངས་པའི་འཛམ་གླིང་བུ་མོ་ཚུ།།

    ཞལ་འདི་འདྲཝ་ཡང་མ་ཚད་ཁྱད་པར་འཕགས།།

བསྔགས་པའི་དཔེ།

    ཨ་ལོའི་རེ་བ་དྲིན་ཆེན་ཕམ་གྱིས་བསྒྲུབས།།

    སྨན་ཆུང་བུམོ་འདི་བུཚུ་གི་རྒྱན་ལུ་དང་།།

    དེ་ཚུའི་ཁྱད་ཆོས་འཛམ་གླིང་འགྲོ་ལུགས་ལུ།།

    ཡོད་པའི་ཁྱད་ཆོས་དེ་ཉིན་མཚུངས་སྦེ་མཐོང་།།

དགག་པའི་དཔེ།

    སློབ་དང་ཁྲོམ་ལུ་འཆམ་པའི་ཆ་རོགས་ལུ།།

    ཕན་པའི་ལཱ་དང་གཏམ་ཚིག་ཁོ་ན་མེད།།

    དེ་གིས་ཕམ་དང་སྤུན་ཆའི་བསླབ་བྱ་ལུ།།

    གཞན་གྱི་དོ་འགྲན་ཚུགས་པའི་ནུས་པ་མེད།།

ངོ་བསྟོད་ཀྱི་དཔེ།

    སློབ་གྲྭའི་སློབ་དཔོན་ཡོན་ཏན་ཟབ་ཀྱི་མཛེས།།

    གཡུས་ཀྱི་ཕམ་ནི་སྙིང་རྗེའི་སེམས་ཀྱི་མཛེས།།

    ཨིན་རུང་མཚུངས་པའི་ཆོཧ་རྣམས་དེ་བདག་ལ།།

    སླབ་ནིའི་ཚིག་འདི་གཞན་ནི་ང་ལུ་མེད།།

དེ་ཉིད་བརྗོད་པའི་དཔེ།

    འདི་ཉིད་ཆོས་ཀྱི་དཔལ་མོའི་ཞལ་རས།།

    ཡིན་གྱི་རྒྱུ་སྐར་རྒྱལ་པོའི་མཛེས་དཔལ་མིན།།

    ཟླ་བ་མཛེས་པའི་བཀྲ་མིན་འདི་གིས་འོད།།

    དོངས་གྲུབ་མྱུར་དུ་གནང་བའི་ཆོས་ཀྱི་ལྷ།།

ཐུན་མོང་མིན་པའི་དཔེ།

    གནམ་ལས་ཤར་བའི་ཟླཝ་གིས་ཡང་།།

    དོ་འགྲན་མེད་པའི་རྗེ་བཙུན་གྱི།།

    ཞལ་ནི་ཡོངས་གྲགས་ཆེ་བའི་མིང་གཏམ།།

    དེ་ཉིད་མཚུངས་དཔེ་གཞན་མེད་རང་ཉིད་དཔེ།།

རྣམ་འགྱུར་གྱི་དཔེ།

    བལྟ་རུ་སུན་མེད་པའི་ཁྱོད་ཀྱི་ཞལ།།

    མེ་ཏོག་པད་མའི་སྦུག་ལས་བཏོན་བཏོནམ་བཟུམ།།

    སླབ་པའི་ཁ་ལས་ཧན་པའི་ཚིག་གསུམ་ཡང་།།

    མཁས་པའི་ཞལ་ལས་དཔེ་འདི་ལེན་ལེནམ་བཟུམ།།

དྲན་གསོ་་་་སྣང་བ་གང་ཤར་གྱི་རྩོམ་། འཛོལ་བ་ཡོད། 
its purely mine and its personal too.